Rollers waingia mchecheto, wabeba maji, juisi

Timu ya Township Rollers ambayo kesho itacheza na Yanga, iliwasili nchini jana jioni

Rollers wametua nchini wakiwa na msafara wa watu 38 wakiwemo wachezaji, benchi la ufundi na baadhi ya viongozi wa timu hiyo

Mabingwa hao wa Botswana wamewasili nchini wakibeba maji na juisi kwa ajili ya matumizi yao wakati wote watakaokuwa nchini wakihofia kufanyiwa hujuma

Huo ni woga, hata hivyo Yanga haina historia ya kuzifanyia hujuma timu zinazokuja kucheza hapa nchini

Pengine hofu hiyo imetokana na kilichotokea msimu uliopita ambapo timu kadhaa zilizokuja kucheza na Simba, zililalamika kufanyiwa hujuma

Wanadhani huo ni utamaduni wa timu za Tanzania jambo ambalo sio sahihi