Kikosi cha Yanga kimemaliza maandalizi ya siku tatu visiwani Zanzibar na kinarejea leo tayari kwa mchezo wa ligi ya mabingwa dhidi ya Township Rollers hatua ya awali
Kesho Jumamosi August 10, mabingwa hao wa kihistoria watakuwa wenyeji wa mchezo huo utakaopigwa saa 12 jioni mbele ya mashabiki wake
Kocha Mkuu Mwinyi Zahera alitaka timu yake ipate michezo zaidi ya kirafiki kabla ya kuikabili Rollers
Lengo la Zahera lilikuwa kupata muunganiko wa kikosi chake ambacho kina maingizo mapya mengi
Baada ya mchezo wa jana dhidi ya Malindi uliomalizika kwa sare ya bao 1-1, Zahera alisema kwa kiasi kikubwa timu yake imeiva, na ana matumaini makubwa watafanya vizuri kwenye mchezo wa kesho
"Tupo Sawa, tulikuwa na changamoto ya muunganiko wa kikosi, naamini msimu huu tutafanya vizuri kwenye ligi kuu na ligi ya mabingwa," amesema
Aidha kupitia michezo hiyo ya kirafiki, Zahera amesema amepata kikosi chake cha kwanza
