Chirwa kupandishwa kizimbani

Mshambuliaji wa Yanga Obrey Chirwa huenda akapandishwa kizimbani baada ya kumpiga mwandishi wa habari John Dande leo jioni kwenye uwanja wa Uhuru.

Juma Abdul ndiye aliyemnusuru mwandishi huyo asiumizwe na Chirwa aliyekasirishwa na kitendo cha kupigwa picha na mwandishi huyo bila ya ridhaa yake wiki iliyopita.

Tukio hilo lisilo la kiungwana limeripotiwa katika kituo cha Polisi, Chan'gombe jijini Dar es salaam.

Matukio ya aina hii hayapaswi kuungwa mkono na mdau yeyote wa soka.

Ukiwa mtu maarufu ni lazima ukubali 'kubugudhiwa' na waandishi wa habari. Huna namna ya kukwepa hilo

Chirwa ni mchezaji wetu, tunampenda lakini hatuwezi kukubaliana na matukio ya kupiga waandishi wa habari yanaharibu taswira ya Yanga.

Naamini uongozi wa Yanga utamchukulia hatua za kinidhamu na kuhakikisha matukio ya aina hii hayatokei tena.