Mchezo wa kirafiki kati ya Malindi Fc dhidi ya Yanga, umemalizika kwa timu hizo kugawana pointi baada ya kutoka sare ya bao 1-1
Huo ulikuwa mchezo wa kukamilisha ratiba ya maandalizi ya kikosi cha Yanga visiwani Zanzibar
Deus Kaseke aliifungia Yanga bao la kuongoza kwenye dakika ya 16 akimalizia pasi murua ya David Molinga
Malindi Fc walisawazisha bao hilo wakati mchezo ukielekea ukingoni
Kocha Mwinyi Zahera alifanya mabadiliko makubwa ya kikosi chake ambapo aliwapumzisha wachezaji wote walioanza mchezo wa jana dhidi ya Mlandege Fc
Kikosi kilichocheza leo kiliundwa na wachezaji ambao hawakupata nafasi jana na baadhi ambao walicheza kipindi kimoja
Yanga inarejea jijini Dar es salaam kesho Ijumaa tayari kwa mchezo dhidi ya Township Rollers ambao utapigwa Jumamosi
