Mohammed Issa 'Banka' juzi alizaliwa upya kwa kuupiga mpira mwingi dhidi ya Kariobangi Sharks wengi wakimpigia kura ndiye aliyekuwa nyota wa mchezo huo
Akicheza sambamba na Papy Tshishimbi, Banka alitawala dimba na kuwavuruga kabisa Sharks ambao waliishia kumchezea rafu muda mwingi
Huyu ndiye Banka aliyesajiliwa na Yanga. Alihusika kidogo tu msimu uliopita baada ya kumaliza adhabu ya kufungiwa miezi 14
Kocha Mwinyi Zahera atakuwa na kazi kuamua nani aanze nafasi ya kiungo cha ukabaji kwani ana mafundi watupu
Banka, Tshishimbi, Feisal Salum na Abdulaziz Makame wote wana uwezo mkubwa sana kwenye nafasi hiyo
Msimu uliopita Fei Toto hakuwa na mpinzani lakini msimu huu ni dhahiri atalazimika kufanya kazi ya ziada
Hata hivyo msimu huu kocha Zahera huenda akatumia mfumo 3-4-3/3-5-2 ambao utampa uhuru wa kuwa na viungo wengi
Katika mchezo dhidi ya Kariobangi Sharks, Zahera alitumia mfumo huo kwa nyakati tofauti
Aliwatumia Mustafa Suleyman, Lamine Moro na Ally Mtoni kwenye ulinzi kisha Marcelo na Balama wakiwa walinzi/viungo wa pembeni wakati Tshishimbi na Banka wakitawala dimba huku mbele kukiwa na Balinya, Sibomana na Sadney (BSS) waliokuwa washambuliaji
