Yondani, Chikupe, Abdul safi

Walinzi Kelvin Yondani, Juma Abdul na Andrew Vicent watajiunga na Yanga visiwani Zanzibar baada ya kumaliza changamoto baina yao na uongozi

Wakati Yondani akichelewa kutokana na majukumu ya timu ya Taifa, Abdul na Chikupe hawakuingia kambini mkoani Morogoro wakisubiri kulipwa madai yao

Kocha Mwinyi Zahera alisema wachezaji hao wana madai ya msingi hivyo kuutaka uongozi wa Yanga uyatatue ndio warejee kujiunga na wenzao

Yanga iko Zanzibar ikijiandaa na mchezo wa ligi ya mabingwa ambao utapigwa Jumamosi dhidi ya Township Rollers

Yondani anayo nafasi ya kucheza mchezo huo lakini Abdul na Chikupe huenda wakahitaji muda zaidi ya kujifua kwa kuwa hawakufanya mazoezi ya kitimu