Mabingwa wa kihistoria Yanga wamewasili salama visiwani Zanzibar kukamilisha maandalizi ya mchezo wa ligi ya mabingwa dhidi ya Township Rollers ambao utapigwa Jumamosi August 10 kwenye uwanja wa Taifa
Kocha Mwinyi Zahera amesema watatumia siku tatu kufanya maandalizi ya mwisho kuelekea mchezo huo
Akizungumza baada ya kuwasili Zanzibar, Zahera ameeleza kufurahishwa na mapokezi makubwa waliyopata visiwani humo
"Nimefurahi wametupokea vizuri sana, hii ni mara ya kwanza kwangu kufika Zanzibar," amesema
"Timu yetu iko vizuri, wenzangu walifanya kazi nzuri wakati nilipokuwa mapumziko"
"Sasa tuna siku tatu za kufanya maandalizi ya mwisho kabla ya mchezo wa Jumamosi"
"Tutakuwa tayari kwa mchezo huo"
Kesho Jumatano Yanga inatarajiwa kucheza na Malindi Fc katika uwanja wa Amaan, kisha siku inayofuata Alhamisi kucheza na Mlandege Fc
Michezo yote itapigwa kuanzia saa mbili usiku
