Kocha Mkuu wa Yanga Mwinyi Zahera amekiri kushangazwa na umati alioushuhudia jana uwanja wa Taifa katika mchezo wa kuhitimisha wiki ya Mwananchi kati ya Yanga dhidi ya Kariobangi Sharks
Zahera amesema siku ya jana ilikuwa ya kihistoria kwake na kwa familia ya mpira wa miguu nchini
Amewataka Wanayanga warudie tukio hilo wiki ijayo kwenye mchezo wa ligi ya mabingwa utakaopigwa Jumamosi dhidi ya Township Rollers
"Siwezi kusahau nguvu ya Wananchi niliyoishuhudia jana," amesema
"Ilikuwa siku ya kipekee kwangu na kwa familia ya mpira wa miguu nchini. Nawataka mjitokeze kwa wingi Jumamosi mkiwa mmevalia jezi zenu kama ilivyokuwa jana"
Tayari uongozi wa Yanga umetangaza viingilio vya mchezo wa Jumamosi kuwa ni 5,000 kwa mzunguko huku VIP ikiwa 15,000 na lile eneo maalum zaidi ikiwa 50, 000.
