Zahera ataka mechi za kujipima kabla ya kuivaa Township Rollers

Jana baada ya mchezo dhidi ya Kariobangi Sharks, kocha Mkuu wa Yanga Mwinyi Zahera alisema kikosi chake kinahitaji kucheza angalau mchezo mmoja wa kirafiki kabla ya kuikabili Township Rollers kwenye mchezo wa ligi ya mabingwa hatua ya awali August 10

Zahera alisema mchezo dhidi ya Sharks ulikuwa wa kwanza mkubwa na wamecheza wakitoka kwenye mazoezi magumu hivyo wanahitaji kucheza mchezo mwingine kabla ya Jumamosi

Kikosi cha Yanga huenda kikaelekea visiwani Zanzibar ambapo kitacheza na Malindi Fc siku ya Jumanne

Aidha mabingwa hao wa kihistoria watacheza michezo mingine ya kirafiki baada ya mechi dhidi ya Rollers ili kujiweka sawa kwa ajili ya mchezo wa marudiano utakaopigwa kati August 23-25 nchini Botswana