Baada ya hapo jana kutokea sintofahamu kufuatia kumalizika kwa jezi mpya za Yanga muda mfupi baada ya uzinduzi, kampuni ya GSM imewatoa hofu mashabiki wa timu hiyo kuwa jezi zitaendelea kupatikana kwa wingi
Kumekuwa na uhitaji mkubwa wa jezi ambapo leo umati wa mashabiki ulifurika Makao Makuu ya Yanga na katika maduka ya GSM kununua jezi ambazo hata hivyo upatikanaji wake ulikuwa wa kusuasua
Meneja Masoko wa kampuni ya GSM Hersi Said amesema wanaendelea kusambaza jezi za kutosha katika maeneo yote ya mauzo
"Mzigo upo ila ulimalizika kwenye maeneo ambayo tulipeleka lakini limefanyiwa kazi na jezi zitapatikana, si hivyo tu kuna mzigo mwingine unaingia kwa kila ndege inayokuja kutoka China kwani hatukuweza kusafirisha kwa pamoja kutokana na muda pamoja na gharama za usafirishaji," amesema
"Niwatoe hofu mashabiki wa Yanga kuhusu hilo, jezi watazipata ingawa hatukutarajia kama muitikio ungekuwa mkubwa namna hii, inaonyesha ni kiasi gani Yanga ina mashabiki wengi kutokana na mahitaji kuwa makubwa"
"Hizi jezi zinazouzwa ziliingia juzi (Alhamisi) usiku na pia tarehe ya uzinduzi na kilele cha Wiki ya Wananchi nazo zimekuwa karibu sana, hivyo hata usafirishaji ukawa changamoto kidogo ingawa hilo halizuii upatikanaji wa jezi mpya za Yanga"
Hadi kufikia mchana wa leo, jezi zilianza kupatikana kwenye maduka yote ya GSM
Jezi hizo pia zitapatikana kesho Uwanja wa Taifa kwenye vituo maalum vya mauzo
