Winga wa Yanga Mrisho Ngasa amesema kikosi cha timu hiyo kimejiandaa kuwapa burudani mashabiki keshokutwa Jumapili kwenye mchezo wa kuhitimisha wiki ya Mwananchi
Yanga itachuana na Kariobangi Sharks katika mchezo maalum wa kuhitimisha waiki ya Mwananchi, kukaribisha msimu mpya pamoja na kutambulisha kikosi cha timu hiyo na jezi
Ngasa amesema baada ya mazoezi ya wiki tatu mkoani Morogoro, sasa wameiva na kuwataka mashabiki kujitokeza kwa wingi Jumapili wafurahi
"Siku hiyo ni ya furaha kwa mashabiki wote, tunawaomba wajitokeze kwa wingi uwanja wa Taifa," amesema
"Tumefanya maandalizi ya kutosha, wachezaji wote tuko tayari kuwapa furaha"
Tangu kuanza maandalizi ya msimu mpya, Ngasa ni miongoni mwa wachezaji wanaon'gara kwenye kikosi cha Yanga na bila shaka atawawashia moto Kariobangi Sharks Jumapili
Kikosi cha Yanga kinaondoka leo mchana mkoani Morogoro kurejea jijini Dar es salaam ambapo msafara wa timu hiyo utapokelewa Kibaha na kusindikizwa kwa maandamano mpaka jijini Dar es salaam
