Yanga imefanikiwa kufanya kile kilichotarajiwa baada ya wapenzi, wanachama na mashabiki wake kuitikia wito wa kujitolea kufanya shughuli mbalimbali za kijamii katika wiki ya Wananchi iliyoanza juzi
Wiki ya Wananchi imekuwa na manufaa makubwa kwa jamii kwani shughuli zinazofanywa zinanufaisha jamii yote bila ya kujali ikikadi
Kwa miaka mingi watani zao Simba wamekuwa wakifanya tukio hili lakini halikubeba sura ya kitaifa kama linavyofanywa na Yanga sasa
Leo hii mkoa wowote ukifika lazima utakuta kuna shughuli za kijamii zinafanywa na Wanayanga
Kinachofanywa sasa na Wanayanga kinadhihirisha msemo kuwa timu hiyo ni ya Wananchi
Na pengine ule mjadala wa kati ya Yanga na Simba ni timu ipi yenye mashabiki wengi nchini unaweza ukapata majibu kupitia hiki kinachoendelea sasa
Aidha huenda August 04 historia ikaandikwa uwanja wa Taifa kwa idadi kubwa ya mashabiki kujitokeza kushuhudia siku ya kilele cha wiki hii ambapo siku hiyo Yanga itatambulisha kikosi chake kwa kucheza mchezo wa kirafiki dhidi ya Kariobangi Sharks kutoka Kenya
