Mjumbe wa Kamati ya Utendaji ya klabu ya Yanga Rogers Gumbo amepongeza mwitikio wa Wanayanga waliojitokeza kufanya shughuli mbalimbali za kijamii leo baada ya uzinduzi wa wiki ya Mwananchi
Akizungumza na waandishi wa habari Makao Makuu ya klabu ya Yanga, Gumbo amesema zoezi hilo limepokelewa vyema na wapenzi, washabiki na Wananchama wa klabu ya Yanga kutoka sehemu mbalimbali nchini
Gumbo amesema kwa mkoa wa Dar es salaam shughuli mbalimbali zitafanyika Mbagala Zakhiem
Matukio kama kutafuta vikundi bora vya ushangiliaji yatafanyika Mbagala hivyo Wanayanga wameaswa kuelekea huko
Aidha viongozi wa Yanga wataondoka mapema kesho kuelekea visiwani Zanzibar ambapo uzinduzi rasmi utafanyika
Miongoni mwa shughuli zitakazofanyika Zanzibar ni kutembelea kaburi la Rais wa kwanza wa visiwa hivyo hayati Abeid Aman Karume ambaye alikuwa Mwanachama wa Yanga aliyechangia maendeleo ya timu hiyo
Jengo la klabu ya Yanga Jangwani ni matokeo ya mchango wa Hayati Karume
