Kariobang Sharks kutoka nchini Kenya itakuja nchini August 04 kuipima Yanga kwenye mchezo wa kilele cha wiki ya Mwananchi
Mchezo huo unaosubiriwa kwa hamu na mashabiki wa soka nchini, utapigwa katika dimba la Taifa baada ya tukio la utambulisho wa kikosi cha Yanga
Hii itakuwa mara ya pili kwa K Sharks kuja nchini baada ya mwezi Januari mwaka huu kushiriki michuano ya Sportpesa Cup na kuibuka mabingwa
Sharks waliiondoa Yanga kwenye michuano hiyo kwa kuifunga mabao 3-2 katika mchezo ambao ulikuwa na upinzani mkali
Uongozi wa Yanga umefanya uamuzi sahihi wa kuichagua timu hiyo kwani kwa sasa ni moja ya timu bora katika ukanda wa Afrika Mashariki
Mapema mwezi huu K Sharks iliisimamisha Everton ya Uingereza kwenye mchezo uliopigwa nchini Kenya na kumalizika kwa sare ya bao 1-1 kabla ya kushinda kwa matuta
Sharks ilipata nafasi ya kucheza na Everton baada ya kutwaa taji la Sportpesa
Yanga itautumia mchezo huo kama maandalizi yake ya mwisho kabla ya Kuivaa Township Rollers kwenye mchezo wa kwanza wa ligi ya mabingwa hatua ya awali ambao utapigwa uwanja wa Taifa kati ya August 09-11
