Makamu Mwenyekiti wa Yanga Fredrick Mwakalebela amesema suala la wachezaji Kelvin Yondani, Juma Abdul na Andrew Vicent litajadiliwa kwenye kikao cha Kamati ya Utendaji
Kikao hicho kilitarajiwa kufanyika leo Jumatano, jioni
Akizungumza na waandishi wa habari mapema leo, Mwakalebela alisema kuwa uongozi wa timu hiyo unafahamu Wanayanga wanataka kufahamu kinachoendelea kuhusu wachezaji hao
Lakini amewataka kuwa na subira kwa kuwa miongoni mwa ajenda zitakazo jadiliwa kwenye kikao hicho ni pamoja na suala la wachezaji hao
"Najua wengi mnataka kufahamu kuhusu hili, ni jambo muhimu lakini nawaomba muwe na subira, tutatoa taarifa baada ya kikao cha Kamati ya Utendaji ambacho kitakaa leo," amesema
Yondani, Abdul na Dante hawakuripoti kwenye kambi ya kikosi cha Yanga mkoani Morogoro ikielezwa wanashinikiza walipwe madai ya fedha za usajili
Yondani ameripoti kambi ya timu ya Taifa inayojiandaa na mchezo dhidi ya Kenya Julai 28
Kumekuwa na taarifa kuwa uongozi wa Yanga umewasimamisha wachezaji hao lakini Mwakalebela hakuthibitisha
