Baada ya ratiba ya michezo ya awali ya michuano ya ligi ya mabingwa kutoka, Yanga inapaswa kutumia vyema wiki mbili zilizobaki kufanya maandalizi kabambe kabla ya kuikabili Township Rollers ambayo imeweka kambi Afrika Kusini
Mabingwa hao wa Botswana wamewahi kuja hapa nchini kucheza na Yanga mwaka jana na kuondoka na ushindi wa mabao 2-1, sio timu ya kubeza
Msimu uliopita Rollers walicheza hatua ya makundi ya michuano ya ligi ya mabingwa
Wameanza maandalizi yao mapema pengine wakilenga zaidi michuano ya ligi ya mabingwa ambayo ina 'ukwasi' mkubwa
Julai 27 watacheza mchezo wa kirafiki dhidi ya Simba huko Afrika Kusini
Kocha Mwinyi Zahera ambaye taarifa za awali zilibainisha kuwa angewasili Alhamisi ijayo, huenda akatua mapema zaidi
Kocha Msaidizi Noel Mwandila ameisimamia timu tangu ilipotua mkoani Morogoro wiki mbili zilizopita
Hata hivyo program zote za mazoezi zimeandaliwa na Zahera na licha ya kutokuwepo, uongozi wa Yanga umesema Mcongomani huyo amekuwa akiwasiliana kwa karibu na Mwandila ili kuhakikisha kila kitu kinakwenda sawa
Hata hivyo uwepo wake utaongeza morali ya wachezaji katika maandalizi hayo
