Kampuni ya GSM ilishinda tenda ya kutengeneza na kusambaza vifaa mbalimbali vya timu ya Yanga zikiwemo jezi
Inaelezwa mchakato wa utengenezaji wa jezi mpya za Yanga unasimamiwa na GSM na zitatambulishwa August 04 siku ya kilele cha wiki ya Mwananchi wakati Yanga itakapomenyana na AS Vita kwenye mchezo wa Kimataifa wa kirafiki ambao pia utatumika kutambulisha kikosi cha timu hiyo
Msimu huu unaokuja Yanga itakuwa na matoleo matatu tu ya jezi, yaani jezi ya nyumbani, ugenini na jezi nyingine ya dharura
Kwa mara ya kwanza mashabiki wa Yanga wataweza kununua jezi halisi zitakazotumiwa na timu yao msimu mzima
Msimu uliopita Yanga ilitoa zaidi ya matoleo tisa ya jezi ambapo ilifikia wakati jezi halisi hazikufahamika
Wakati huu wa maandalizi ya msimu, kwenye michezo ya kirafiki Yanga inatumia jezi nyeusi zenye michirizi ya njano
Aidha, kampuni ya GSM pia itasimamia mauzo ya jezi halisi za Yanga hivyo kuwa na uhakika wa jezi hizo kupatikana nchi nzima
GSM pia itaweka duka Makao Makuu ya klabu ya Yanga
