Shirikisho la soka Barani Afrika (CAF) limefanya mabadiliko kwa michuano ya ligi ya mabingwa na kombe la Shirikisho ambapo kuanzia msimu ujao mchezo wa fainali utakuwa mmoja tu
Kwa miaka mingi mfumo uliotumika ni michezo miwili ya fainali ambayo hupigwa nyumbani na ugenini
Rais wa CAF Ahmad Ahmada amesema uamuzi huo umepitishwa leo kwenye kikao cha Kamati ya Utendaji kilichofanyika Cairo, Misri
"Uamuzi mkubwa umechukuliwa na kamati ya utendaji ya CAF leo. Fainali ya Ligi ya Mabingwa Afrika na Fainali ya Kombe la Shirikisho la Afrika kuanzia sasa zitachezwa mechi moja," ameandika Ahmad kwenye ukurasa wake wa mtandao wa Twitter
Aidha tukio la kuvunjika kwa mchezo wa pili wa fainali ya ligi ya mabingwa mwaka huu kati ya Esperance dhidi ya Wydad Athletic linatajwa kuwa sababu ya kufikiwa uamuzi huo
Mchezo huo ulivunjika baada ya Wydad kugoma wakipinga maamuzi ya kunyimwa bao
Hata hivyo mwamuzi alishindwa kuthibitisha malalamiko hayo kwa kuwa mfumo wa VAR haukuwa ukifanya
Kulikuwa na dalili kuwa wenyeji Esperance walihusika kukwamisha mfumo huo ambao uliwabeba kwenye mchezo wa kwanza
Baadae CAF ilifuta matokeo ya mchezo huo na kuamuru urudiwe kwenye uwanja huru
