Mwezi ujao Yanga inarejea kwenye mikiki mikiki ya michuano ya ligi ya mabingwa barani Afrika baada ya kukosa kwa msimu mmoja
Mabingwa hao wa kihistoria wanasubiri kumfahamu mpinzani wao watakaocheza nae kwenye mchezo wa hatua ya awali utakaopigwa kati ya August 09-11
CAF itafanya droo baada ya kumalizika michuano ya Afcon
Msimu huu Yanga imejiwekea malengo ya kutinga hatua ya makundi ya michuano hiyo mikubwa kabisa barani Afrika kwa ngazi ya vilabu
Katika kipindi cha miaka mitano iliyopita, Yanga imecheza hatua ya makundi ya michuano ya kombe la Shirikisho mara mbili lakini upande wa ligi ya mabingwa, kwa mara ya mwisho Yanga ilicheza hatua hiyo mwaka 1998
Mwenyekiti wa Yanga Dk Mshindo Msolla amesema ingawa waliipata nafasi ya kushiriki michuano hiyo kwa kuchelewa, lakini wamejiwekea malengo ya kutinga hatua ya makundi
Amesema kwa usajili makini waliofanya anaamini wana nafasi kubwa ya kufanya vizuri na kufika mbali zaidi katika michuano hiyo
