Yanga kucheza mechi nne za kirafiki

Uongozi wa Yanga umesema timu itacheza michezo minne ya kujipima kabla ya kurejea jijini Dar es salaam kuhitimisha wiki ya Mwananchi ambayo tarehe yakeitatangazwa baadae

Kaimu Katibu Mkuu wa Yanga Dismas Ten amesema michezo hiyo itapigwa mkoani Morogoro na Dodoma

Mchezo wa mkoani Dodoma ni dhidi ya Dodoma Fc ambao utapigwa Julai 23

Michezo mingine itapigwa Julai 15, 19 na August 03

Ten amesema wataitumia michezo hiyo kuwapa fursa wakazi wa mikoa ya Morogoro, Dodoma na maeneo ya jirani kukishuhudia kikosi chao kipya

Amewataka mashabiki wasipoteze fursa hiyo kwa kujitokeza kwa wingi uwanjani kuiona timu yao

Yanga inaendelea kujifua mkoani Morogoro