Sintofahamu ya mlinzi wa kushoto wa Yanga Gadiel Michael ni kama imefika tamati baada ya uongozi wa Yanga kuamua kusaka mbadala wake
Imebainika Gadiel inawezekana hakuwa na nia ya kuongeza mkataba kubaki Yanga na ndio maana alikuwa akiwahadaa viongozi wa timu hiyo
Inaelezwa beki huyo wa timu ya Taifa ya Tanzania pia alimzimia simu Meneja wake Jemedari Said ambaye alikuwa akishughulikia taratibu za mkataba wake na Yanga
Makubaliano binafsi tayari yalikuwa yamefikiwa lakini kikwazo ilikuwa kwa Gadiel kusinya mkataba huo
Huenda akaibukia klabu ya Simba siku chache zijazo
Mwenyekiti wa Yanga Dk Mshindo Msolla amesema Yanga ni taasisi kubwa na haiwezi kuyumbishwa na mchezaji mmoja
Dk Msolla amesema watamtumia Ally Sonso nafasi ya beki wa pembeni lakini pia wako kwenye mchakato wa kusaka mbadala wa Gadiel
Yanga inamuwania beki wa Gor Mahia Shafiq Batambuze ambaye aliwahi kuichezea Singida United
