Hatma ya Gadiel Michael kufahamika leo

Beki Gadiel Michael alirejea jana na kikosi cha timu ya Taifa akitokea Misri ambako alishiriki michuano ya Afcon 2019

Hatma ya beki huyo itafahamika leo baada ya uongozi wa Yanga kumtaka asaini mkataba au aseme kama hana mpango wa kuendelea kucheza Jangwani

Gadiel amekuwa akikwepa kusaini mkataba aliopewa kabla hajatimkia Misri na timu ya Taifa ikielezwa beki huyo anasikilizia ofa ya moja ya timu kutoka nje ya nchi

Hata hivyo Yanga inatarajiwa kuanza mazoezi ya maandalizi ya msimu mpya wiki ijayo, wametaka kukamilisha usajili mapema

Aidha Julai 10 ndio siku ya mwisho kuwasilisha majina ya wachezaji waliosajiliwa kwa ajili ya michuano ya ligi ya mabingwa bila faini