Kikosi cha Yanga kitaanza maandalizi yake ya msimu mpya mkoani Morogoro baada ya kocha Mwinyi Zahera kupendekeza timu iweke kambi mkoani humo
Awali kulikuwa na taarifa kuwa Yanga ingeweka kambi nje ya nchi
Aidha, Yanga itaanza maandalizi bila ya Zahera ambaye anakabiliwa na majukumu ya timu ya Taifa huko Misri
DR Congo ilifuzu hatua ya 16 bora michuano ya Afcon 2019 ambapo Jumapili Julai 07 itacheza na Madagascar
Yanga imeanza maandalizi mapema kutokana na timu hiyo kuwa na wachezaji wapya wengi ambao watahitaji muda kuweza kuzoeana
Pia Julai 27 itahitimisha tukio la wiki ya Mwananchi litakalofanyika uwanja wa Taifa kwa kucheza mchezo wa Kimataifa wa kirafiki dhidi ya moja ya timu kutoka nje ya nchi
Kampeni ya michuano ya ligi ya mabingwa nayo itaanza mapema katika kipindi cha wiki nne zijazo
Zahera awasilisha program za mazoezi
Katika hatua nyingine kocha Mwinyi Zahera atayari amewasilisha program ya mazoezi ambayo itasimamiwa na kocha Msaidizi Noel Mwandila
Mcongoman huyo anaweza kuchelewa kujiunga na kambi ya Yanga kutegemea na hatma ya DR Congo kwenye michuano ya Afcon
