Uongozi wa Yanga uko kwenye mchakato wa kulifanyia ukarabati jengo lake lililopo Jangwani hasa kukarabati vyumba vya wachezaji
Hivi karibuni Yanga ilitangaza kuwaalika wadau mbalimbali wa klabu hiyo kujitolea kukarabati chumba/vyumba ili kuiwezesha timu hiyo kuanza kulitumia
Aidha zoezi hilo linakwenda sambamba na ukarabati wa uwanja wa Kaunda ambao utatumika kwa ajili ya mazoezi
Mwenyekiti wa Yanga Dk Mshindo Msolla amesema zoezi hilo likikamilika Yanga itapunguza gharama kubwa za kuweka wachezaji Hoteli pamoja na gharama za kukodi viwanja vya mazoezi
"Jengo hili tulilonalo ndio kitega uchumi kikubwa cha klabu. Ukiacha mambo ya mishahara, gharama kubwa za timu ni mambo ya Hoteli na kukodi viwanja vya mazoezi" amesema Dk Msolla
"Tumekuwa tukilipa mamilioni ya shilingi kulipia Hotel na kukodi viwanja. Lakini tukitengeneza hapa fedha hizo zitatusaidia katika masuala mengine ya kuiendesha timu"
cutJengo la Jangwani lina vyumba 28 kwa ajili ya wachezaji. Hata hivyo kwa miaka mingo vyumba hivyo vimeachwa bila kutumika huku klabu ikitumia gharama kubwa kuweka kambi Hotelini
Mpango huo ukikamilika utakuwa na manufaa makubwa kwa Yanga
Aidha uongozi wa Yanga umekusudia kutumia eneo la ekari saba walilopewa na Mkuu wa mkoa wa Dar es salaam Mh Paul Makonda huko Kigamboni kujenga uwanja Mkubwa wa klabu, viwanja viwili vya mazoezi na Shule ya kukuzia vipaji
