Mfanyabiashara Rostam Aziz aliyeahidi kuichangia Yanga Tsh Milioni 200, tayari amewasilisha kiasi hicho cha fedha kwa uongozi wa Yanga
Rostam aliahidi kuchangia fedha hizo siku ya Harambee maarufu kama kubwa kuliko iliyofanyika ukumbi wa Diamond Jubilee Juni 15 2019 jijini Dar es salaam
Jana Mwenyekiti wa Yanga Dk Mshindo Msolla alithibitisha kupokea fedha hizo kupitia akaunri maalum ya Yanga
Aidha kampuni ya GSM iliyochangia Milioni 300 nayo imetimiza ahadi
Tangu kuanza kwa zoezi la kuichangia Yanga chini ya Kamati Maalum ya uhamasishaji, Yanga imekusanya zaidi ya Milioni 920
Wadau mbalimbali wameendelea kuwasilisha michango yao kama walivyoahidi
Juhudi za Wanayanga kupitia michango, zimefanikisha timu hiyo kusajili nyota wapya 13 na kuwaongezea mikataba wengine
Yanga pia inatarajiwa kwenda kuweka kambi nje ya nchi
