Dirisha la usajili wa CAF linaelekea ukingoni ambapo siku tatu pekee zimesalia kwa timu kukamilisha michakato yote
Inaelezwa mabosi wa Kamati ya usajili ya Yanga chini ya Mwenyekiti Frank Kamugisha wako nchini Misri kukamilisha usajili wa nyota ambao hawakuwa wamesaini mikataba ya kuwatumikia mabingwa hao wa kihistoria
Mlinda lango wa Bandari Fc na timu ya Taifa ya Kenya Farouq Shikalo ni miongoni mwa nyota hao waliopelekewa mikataba
Wengine wanaotajwa kumalizana na Yanga lakini hawakuwa wamesaini mikataba ni mlinda lango Metacha Mnata na beki Ally Mtoni ambao wote wako Misri
Ulimwengu ndani
Mshambuliaji Thomas Ulimwengu huenda nae akasajiliwa kuongeza nguvu kwenye kikosi cha Yanga ambacho kitashiriki michuano ya ligi ya mabingwa msimu ujao
Inaelezwa Yanga tayari imemalizana na mshambuliaji huyo wa timu ya Taifa ya Tanzania ambaye alin'gara kwenye mchezo dhidi ya Senegal
Ulimwengu aliyekuwa akiitumikia JS Saoura ya Algeria, inaelezwa ameachana na timu hiyo
