Kiungo Mapinduzi Balama ambaye juzi alisaini mkataba wa miaka mitatu kuwatumikia mabingwa wa kihistoria Yanga, amesema ataendeleza makali aliyokuwa nayo Alliance Fc na hahofii changamoto ya kuwania namba kwenye kikosi cha kwanza
Ujio wa Balama Yanga umeongeza ushindani kwenye safu ya kiungo ambayo tayari ina mafundi kama Raphael Daudi, Papi Tshishimbi, Mohammed Issa, Feisal Salum na Abdulaziz Makame
Balama atakayetumia jezi namba saba iliyokuwa ikivaliwa na Obrey Chirwa, amesema hajakurupuka kusaini Yanga, anajiamini na anasubiri kwa hamu kuvaa uzi wa Yanga
"Sijakurupuka kusaini muda ulifika na naamini ni wakati wangu kuitumia Yanga ili kufikia mafanikio na wachezaji ninaokutana nao wajiandae katika ushindani wa namba licha ya kwamba Jangwani ni kama napita tu kwa vile ndoto zangu ni kucheza nje," amesema
Ujio wa Balama kwenye kikosi cha Yanga umepongezwa na wadau wengi wa soka, bila shaka kama ataendeleza makali aliyokuwa nayo Alliance Fc, maisha yake Jangwani yatakuwa ya furaha
