Kocha Mkuu wa Yanga Mwinyi Zahera ameupongeza uongozi wa timu hiyo kwa kufanikiwa kukamilisha usajili wa wachezaji wote aliowahitaji
Hivi karibuni Mwenyekiti wa Yanga Dk Mshindo Msolla alisema timu hiyo imekamilisha usajili wa wachezaji wote wa kigeni waliopendekezwa na Zahera
Kwa sasa wanakamilisha usajili wa wachezaji wazawa, zoezi ambalo litafikia tamati mwishoni mwa wiki hii
"Nimefurahi wamesajili wale wachezaji wote ambao nilitaka. Msimu ujao tutakuwa na timu nzuri sana," amesema Zahera ambaye juzi kikosi chake cha DR Congo kilikubali kipigo cha mabao 2-0 kutoka kwa Uganda kwenye mchezo wa kwanza wa Afcon
Mcongoman huyo amesema atarejea mara moja kujiunga na kikosi cha Yanga baada ya michuano ya Afcon kumalizika
Yanga inatarajiwa kuingia kambini Julai 07 ambapo Noel Mwandila ataanza kukinoa kikosi cha timu hiyo ambacho hakitajumuisha wachezaji wanaoshiriki Afcon
Julai 27 Yanga itahitimisha wiki ya Mwananchi kwa kucheza mchezo wa kirafiki uwanja wa Taifa
Mabingwa hao wa kihistoria wataanza kampeni ya kusaka nafasi ya kutinga hatua ya makundi michuano ligi ya mabingwa barani Afrika mwanzoni mwa mwezi wa nane
