Rais wa klabu ya Singida United Dk Mwigulu Nchemba ambaye ni mdau mkubwa wa Yanga, aliahidi kusajili mchezaji mmoja wa ndani ukiwa ni mchango wake
Mwigulu alitoa ahadi hiyo kwenye Harambee ya kuichangia Yanga iliyofahamika kama Kubwa Kuliko iliyofanyika wiki iliyopita ukumbi wa Diamond Jubilee jijini Dar es salaam
Tayari inaelezwa usajili wa mchezaji huyo umekamilika na kinachosubiriwa ni uongozi wa Yanga kumtambulisha
Tetesi zinabainisha mchezaji huyo ni kiungo Kenny Alli aliyeitumikia Singida United msimu uliopita
Kenny ni mchezaji huru baada ya mkataba wake na Singida United kumalizika
Msimu uliopita Dk Mwigulu alifanikisha usajili wa kiungo Feisal Salum 'Fei Toto' ambaye awali alitambulishwa kunako klabu ya Singida United lakini muda mchache baadae akaibukia Yanga
Mwigulu amesema mchezaji atakayemsajli msimu huu anaamini atakuwa na mchango mkubwa kama ilivyokuwa kwa Fei Toto
