Emanuel Martin yuko vizuri

Juzi katika mchezo dhidi ya Majimaji, Winga wa Yanga Emanuel Martini alipoteza fahamu dimbani baada ya kupigwa kiwiko na mlinzi wa Majimaji Juma Salamba wakati wakiwania mpira.

Martini alipewa huduma ya kwanza dimbani na baadae kusaidiwa zaidi na madaktari wakiongozwa na daktari wa Yanga Dk Edward Bavu.

Mchezaji huyo hakupata majeraha makubwa na imetaarifiwa kuwa anaendelea vizuri, anatarajiwa kurejea kwenye majukumu yake karibuni.