Rais Mstaafu Awamu ya Nne Dk Jakaya Kikwete amefichua kuwa alitoa Milioni 30 kuwapa Simba wanunue ardhi ambayo sasa wanajenga uwanja wao huko Bunju nje kidogo ya jiji la Dar es salaam
Kwa mustakabali huo Dk Kikwete amewaomba Rais Dk John Magufuli na Waziri Mkuu Mh Kassim Majaliwa aliyekuwa mgeni rasmi wa Harambee ya kuichangia Yanga, nao waichangie Yanga
Akizungumza kwenye Harambee ya Kubwa Kuliko, Dk Kikwete amesema ukiwa kiongozi unapaswa kuwa msimamizi wa timu zote na sio kutumia nafasi yako kuzionea timu nyingine
Dk Kikwete ameutaka uongozi wa Yanga kutengeneza mifumo mizuri ambayo itaiwezesha Yanga kuweza kujitegemea
Amesema haungi mkono mifumo ya uendeshaji wa timu ambao unamtegemea mtu mmoja
Hivyo utaratibu huu wa kuwashirikisha wananchi utengenezwe vizuri ili uwe na manufaa kwa timu
Aidha Dk Kikwete pia ameitaka Yanga iwekeze katika kukuza vipaji vya wachezaji wadogo
Amesema utamaduni huu wa kuwategemea wachezaji kutoka nje hauna tija kwa Taifa, wakati huo wao wakijihusisha na mpira walikuwa wakijivunia wachezaji wao wa ndani
