Aliyekuwa Mwenyekiti wa Kamati ya usajili Yanga Hussein Nyika amesema Wanayanga wanapaswa kujivunia hatua hii waliyoifikia leo kwa kufanya tukio kubwa la kuichangia timu yao
Nyika akiwa mmoja wa Wajumbe wa uongozi uliopita ambao mchakato ulianzia kwao, amesema leo Yanga inadhihirisha kuwa Wananchi wanaweza kuiendesha timu yao wao wenyewe
"Mimi nimefurahi kuwa hapa, najivunia kuwa mmoja wa viongozi waliopita ambao wameshiriki kikamilifu kufanikisha tukio hili"
"Leo tunakwenda kuandika historia ambao pengine itabadili fikra za watu katika uendeshaji wa timu nchini," amesema Nyika
Akizungumzia usajili unaoendelea kufanywa na Yanga, Nyika amesema ameridhishwa na usajili huo na anaamini msimu ujao kikosi cha Yanga kitakuwa imara mara
Harambee ya kuichangia Yanga tayari imeanza ukumbi wa Diamond Jubilee ambapo wakati wowote mgeni rasmi Mh Kassim Majaliwa Waziri Mkuu wa Jamhuri ya Muungano wa Tanzania atawasili
