Makamu Mwenyekiti wa Yanga Fredrick Mwakalebela amewataka wadau wa klabu hiyo kujitokeza kwa wingi keshokutwa Jumamosi kwenye Harambee ya kuichangia Yanga iliyopewa jina la KUBWA KULIKO
Mwakalebela amesema msimu huu wamedhamiria kujenga kikosi imara kitakachoweza kuurejesha ubingwa wa ligi kuu pamoja na kufanya vizuri kwenye michuano ya ligi ya mabingwa
Lakini hilo litafanikiwa kama wapenzi, wanachama na mashabiki wa Yanga watajitoa kwa kununua tiketi kwa wingi na kushiriki Harambee hiyo inayosubiriwa kwa hamu
Mwakalebela amesema mchakato wa usajili bado unaendelea hata hivyo wanahitaji fedha zaidi ili kuweza kukamilisha usajili wa nyota watakaoisaidia timu hiyo kwenye ligi na michuano ya Kimataifa msimu ujao
"Tunahitaji kupata fedha ili tusajili wachezaji wazuri ambao wataitumikia kwa ushindani klabu yetu, hatutaki kuona msimu ujao tunapoteza mwelekeo, tunawaomba Wanayanga kutoka sehemu mbalimbali hapa nchini kujitokeza kwa wingi au kuichangia klabu kwa njia zilizoelekezwa," amesema Mwakalebela
Inaelezwa baada ya kupata nafasi ya kushiriki michuano ya ligi ya mabingwa msimu ujao, Yanga imejipanga kuongeza wachezaji wa kigeni wenye uzoefu na michuano hiyo
Kocha Mwinyi Zahera amepanga kutumia michuano ya AFCON inayoanza nchini Misri wiki ijayo kukamilisha usajili wa nyota wa kigeni
