Kabwili kufanya majaribio Ulaya

Mlinda lango aliyemaliza mkataba katika klabu ya Yanga Ramadhani Kabwili amepata nafasi ya kwenda kufanya majaribio klabu ya FK Renova ligi kuu ya Macedonia barani Ulaya

Kabwili ametakiwa kuanza majaribio yake Juni 24 2019

Inaelezwa Yanga ilikuwa na mpango wa kumuongezea mkataba mlinda lango huyo aliyesajiliwa kutoka kikosi cha timu ya Taifa ya vijana U17, Serengeti Boyz

Hata hivyo Kabwili ambaye pia alikuwa na ofa kutoka Sudani, amesema atakwenda Macedonia kufanya majaribio kwanza

Kabwili atakuwa mchezaji wa tatu kutoka Yanga kwenda Ulaya baada ya Yohana Mkomola na Maka Edward

Mkomola amesajiliwa na Arsenal Kyiv ya Ukrane wakati Maka amekwenda kufanya majaribio Latvia