Wachezaji 32 wanaounda kikosi cha awali ya timu ya Taifa ya Tanzania 'Taifa Stars' wameondoka leo kuelekea nchini Misri ambako wataweka kambi kujiandaa na michuano ya AFCON 2019 itakayofanyika nchini humo baadae mwezi huu
Kocha Mkuu wa timu ya Taifa ya Tanzania, Taifa Stars, Emmanuel Amunike, amesema wanakwenda Misri kupambana wakitambua wana kazi ngumu
Amunike amesema wameridhishwa na sapoti wanayopata kutoka kwa Serikali na wadau wengine wa soka nchini, anaamini kama watapambana na kujituma kwenye michuano hiyo wanaweza kufanya vizuri
Stars imepangwa kundi C pamoja na Kenya, Senegal na Algeria
Mchezo wake wa kwanza ni dhidi ya Senegal ambao utapigwa Juni 23 2019
Ikiwa Misri Stars inatarajiwa kujipima dhidi ya Zimbabwe na Misri katika michezo ya kirafiki
Kikosi cha wachezaji 23 kitatangazwa baada ya mchujo wa mwisho utakaofanyika nchini Misri kabla ya kuanza kwa mashindano
