Yanga yasaka Wakala wa kuuza jezi

Uongozi wa Yanga umedhamiria kuifanya timu hiyo inufaike na bidhaa zake ambapo imetangaza kusaka Wakala atakayeuza jezi na bidhaa nyingine za timu hiyo msimu ujao

Tenda imetangazwa leo Jumatano, Juni 05 kwenye gazeti la Uhuru.  Hii ni fursa kwa Wanajangwani yafaa kuichangamkia

Aidha, ni habari njema kwa Yanga kwani kwa miaka kadhaa haikuwa na mfumo mzuri wa uuzwaji wa jezi na bidhaa nyingine kupelekea timu hiyo kutonufaika

Msimu uliomalizika pekee Yanga ilikuwa na matoleo ya jezi zaidi ya tisa na jezi hizo zinauzwa 'kama njugu' mitaani, zinatumia nembo ya Yanga lakini hakuna mapato yoyote yanayoingia klabuni

Hii ni hatua njema ambayo inaweza kuziba mianya iliyopo na hatimae timu kuanza kunufaika kupitia mauzo ya bidhaa zake