Kocha Mkuu wa Yanga Mwinyi Zahera amewataka mashabiki wa timu hiyo wasiwe na wasiwasi juu ya kuondoka kwa mshambuliaji wao tegemeo Heritier Makambo
Zahera amesema kama mchakato wa usajili wa mshambuliaji huyo kutua Horoya AC utakamilika, tayari amejiandaa kuleta washambuliaji wenye uwezo kuliko Makambo
"Nawaambia washabiki wa Yanga wasiwe na wasiwasi. Kama Makambo akiondoka tutaleta washambuliaji wakali kama yeye au kumzidia," amesema
"Kwa sasa tuko kwenye mchakato wa kutengeneza timu kwa ajili ya msimu ujao.
"Tunafanya mazungumzo na wachezaji wengi, mpaka kufikia wiki ijayo wachezaji saba au nane watakuwa wamesaini"
Zahera anatarajiwa kuondoka wiki ijayo kuelekea DR Congo kujiunga na kambi ya timu ya Taifa ya nchi hiyo inayojiandaa na fainali za AFCON 2019 zitakazofanyika nchini Misri
