Licha ya kuwa na nafasi finyu ya kutwaa ubingwa msimu huu, Yanga imepania kumaliza ligi kwa kishindo kesho ikiikaribisha Mbeya City katika mchezo utakaopigwa uwanja wa Uhuru
Vijana wa Mwinyi Zahera wamekuwa wakijifua uwanja wa chuo cha Polisi Kurasini jijini Dar es salaam
Habari njema kwa mashabiki wa Yanga ni kuwa watapata fursa ya kumuaga mshambuliaji wao Heritier Makambo anaelekea kuondoka baada ya ligi kumalizika
Licha ya kusaini mkataba wa awali klabu ya Horoya AC, Makambo bado ni mchezaji halali wa Yanga mpaka hapo viongozi wa Horoya watakapokuja jijini Dar es salaam kumalizana na Yanga
Inaelezwa Yanga ina ofa nyingine tatu zinazomuhusu mshambuliaji huyo aliyetua mwanzoni mwa msimu akitokea FC Lupopo
cutMakambo ameifungia Yanga mabao 16 kwenye ligi msimu huu, atakuwa na nafasi ya kuongeza idadi hiyo ya mabao katika michezo miwili iliyobaki
Yanga itakamilisha msimu kwa kuivaa Azam Fc May 28 katika mchezo mwingine wa 'kukata na shoka' utakaopigwa uwanja wa Uhuru
Msimu uliopita Yanga ilipoteza mchezo wa mwisho dhidi ya Azam Fc kwa kufungwa mabao 3-1.
Viongozi wa Yanga wamepania kuhakikisha timu inamaliza msimu bila ya kufungwa
