Aliyekuwa mshambuliaji wa Yanga Heritier Makambo amewashukuru mashabiki wa timu kwa sapoti waliyompa katika kipindi cha mwaka mmoja aliotumikia klabu hiyo
Makambo yuko katika hatua za mwisho kukamilisha uhamisho wa kwenda klabu ya Horoya AC, mabingwa wa ligi kuu ya Guinea
"Nitawakumbuka mashabiki wa Yanga kwa upendo na sapoti yao kwangu. Watabaki moyoni kwangu," ameandika Makambo kwenye mtandao wa kijamii
Mshambuliaji huyo aliyetua Yanga kutoka FC Lupopo kwa mkataba wa miaka miwili, atakuwa ametumikia nusu ya mkataba wake hivyo kuinufaisha Yanga katika mauzo yake
Mkurugenzi wa ufundi wa Horoya AC anatarajiwa kuja Tanzania wiki ijayo kuonana na uongozi wa Yanga ili kukamilisha dili la mshambuliaji huyo
Licha ya kuwa tayari amesaini mkataba wa awali kuitumikia Horoya AC, Makambo hataweza kuichezea Horoya kabla ya mabosi wa timu hiyo kumalizana na Yanga ili kupata cheti cha uhamisho wa Kimataifa(ITC)
cutMwenyekiti wa Yanga Dk Mshindo Msolla alisema Makambo alizivutia timu nyingi, pia wanayo barua kutoka Ubelgiji ambako kuna timu inahitaji huduma mshambuliaji huyo kinara wa kufunga mabao ya vichwa
Katika mechi 42 alizocheza Yanga, Makambo amefunga mabao 21 na kutoa pasi mbili za mabao
Ameondoka akiwa kinara wa upachikaji mabao kwenye kikosi cha Yanga, akiwa amefunga mabao 16 ligi kuu ya Tanzania Bara
Hakuna uhakika kama atarudi nchini kumalizia michezo miwili ya ligi iliyobaki
