Zahera aandaliwa mkataba mpya Yanga

Mwenyekiti wa Yanga Dk Mshindo Msolla amesema kocha Mkuu wa timu hiyo Mwinyi Zahera yuko mwishoni mwa mkataba wake aliosaini mwaka jana na wako kwenye mchakato wa kumpatia mkataba mpya

Licha ya changamoto za kiuchumi zilizoikabili Yanga msimu huu, Zahera alijitoa kufanya kazi katika mazingira magumu na kuisaidia Yanga kufanya vizuri kwenye ligi pamoja na kufika hatua ya nusu fainali michuano ya kombe la FA

Dk Msolla amesema Yanga itamuongezea mkataba wa muda mrefu

Katika hatua nyingine, Dk Msolla amesema baada ya mchezo wa leo dhidi ya Ruvu Shooting, uongozi utakutana na benchi la ufundi katika kikao ambacho watapokea ripoti ya kocha kuhusu maboresho ya timu