Mkataba wa mshambuliaji Amissi Tambwe unamalizika mwishoni mwa msimu.
Hata hivyo bado hakuna mazungumzo ya mkataba mpya yaliyoanza baina yake na uongozi wa Yanga
Tambwe aliyetua Yanga mwaka 2014 akitokea Simba wakati wa usajili wa dirisha dogo, anaamini bado anaweza kuisaidia Yanga
Tambwe anashikilia rekodi ya kupachika mabao 72 kwenye ligi kuu tangu atue nchini, amesema anausikiliza uongozi wa timu hiyo
"Bado napenda kuendelea kucheza Yanga, hivyo nawasikiliza viongozi kama wataniongezea mkataba. Lakini hata kama hawataniongeza, nitaendelea na maisha ya soka sehemu nyingine," amesema
Msimu uliopita haukuwa mzuri kwa Tambwe kwani alikuwa nje kwa muda mrefu akisumbuliwa na majeraha ya goti
Kwa kiasi kikubwa, majeraha hayo yalipunguza kasi yake ya kupachika mabao, msimu huu akiwa amefunga mabao nane tu
Hata hivyo Tambwe amesema kwa sasa amepona kabisa majeraha na anaamini kama angepata nafasi kubwa ya kucheza, angefunga mabao mengi
