Ligi Kuu ya Tanzania Bara imebaki wiki mbili tu kumalizika na tayati vilabu vimeanza kupigana 'vikumbo' kuwania saini za wachezaji ili kuimarisha vikosi vyao
Jana kocha Mkuu wa Yanga Mwinyi Zahera alifichua kuwa anatarajia kusajili wachezaji nane kukiongezea kikosi chake kwa ajili ya msimu ujao
Miongoni mwa wachezaji hao, wanne watakuwa wazawa na wachezaji wengine wanne watatoka nje ya nchi
Sasa inaelezwa kuwa Zahera anamtaka kiungo wa Singida United Kenny Ally ili kuimarisha safu yake ya kiungo
Pendekezo hilo tayari limewasilishwa kwa Rais wa Singida United Dk Mwigulu Nchemba
Dk Nchemba aliahidi kusajili mchezaji mmoja msimu huu
Mbali na Kenny, winga wa KMC Hassani Kabunda nae yuko katika mipango ya kusajiliwa na Yanga.
Hivi karibuni Kabunda alifichua kuwa yuko tayari kukipiga na mabingwa hao wa kihistoria
