Kocha Mkuu wa Yanga Mwinyi Zahera amesema ulikuwa ni mpango wake wa mchezo kuwaachia mpira Azam Fc huku wao wakitumia mashambulizi ya kushtukiza
Zahera amesema kama wachezaji wake wangekuwa makini wangeweza kushinda mabao sio chini ya manne
"Tulifahamu ubora wa wapinzani wetu, hivyo tuliandaa mpango maalum wa kuweza kuwadhibiti," amesema
"Tulikubaliana wote tujilinde tunapokuwa hatuna mpira na tushambulie kwa kasi tunapopata mpira"
"Mbinu yetu ilifanikiwa kwani tulitengeneza nafasi nyingi za kufunga kuliko Azam ambao walikuwa na mpira kwa muda mrefu"
Aidha akizungumzia mbio za ubingwa, Zahera amesema hatma ya ubingwa haiko mikononi mwa Yanga kutokana na matukio ya waamuzi
"Kuna mechi tano waamuzi wametunyima ushindi waziwazi. Kama ligi ya Tanzania ingekuwa inaendeshwa vizuri pengine leo tungekuwa tayari tumetwaa ubingwa," amesema
"Lakini nafurahi kuona TFF wameanza kuchukua hatua baada ya juzi kuwafungia waamuzi waliochezesha mchezo wa KMC dhidi ya Simba"
"Pengine baada ya uamuzi huo, waamuzi wengine hawatafanya makosa"
