Zahera awaita mashabiki uwanja wa Uhuru

Kocha Mkuu wa Yanga Mwinyi Zahera amewataka mashabiki wa timu hiyo kujitokeza kwa wingi uwanja wa Uhuru leo kuipa sapoti timu yao itakapokuwa ikichuana na Azam Fc

Zahera amesema wanahitaji nguvu ya mashabiki leo hivyo amewataka wajitokeze kwa wingi bila ya kuogopa

"Nimesikia hapa Tanzania wanasema Yanga ndio timu yenye mashabiki wengi kuliko timu ngingine lakini mbona mashabiki hao hawaonekani tunapocheza tofauti na timu nyingine?," amehoji Zahera

"Wanasema Yanga ni timu ya wananchi basi leo nawaomba waje kwa wingi uwanja wa Uhuru, wasiogope tumejiandaa kwa ajili ya kushinda"

Mchezo dhidi ya Azam Fc utaanza saa kumi kamili jioni ambapo viingilio ni VIP A Tsh 15,000/- VIB Tsh 10,000/- na Mzunguuko ni Tsh 5,000/-