Yanga yajifua uwanja wa Uhuru

Kikosi cha Yanga leo asubuhi kimefanya mazoezi yake ya mwisho kwenye uwanja wa Uhuru kujiandaa na mchezo wa ligi kuu ya Tanzania Bara dhidi ya Azam Fc

Mchezo huo utapigwa kesho Jumatatu katika uwanja huo

Akizungumzia maandalizi ya kikosi chake, kocha Mkuu wa vinara hao wa ligi Mwinyi Zahera amesema maandalizi ya mchezo huo hayana tofauti na michezo mingine ambayo tayari wamecheza

Amesema Azam Fc ni timu yenye wachezaji wazuri hivyo wataingia kwenye mchezo huo wakiwa na tahadhari kubwa

"Azam Fc ni timu nzuri, tutawakabili kwa tahadhari na umakini mkubwa. Nimewaambia wachezaji tunapaswa kuwa makini sana kesho ili tuweze kuibuka na ushindi"