Kaimu Katibu Mkuu wa Yanga Omary Kaya amesema jana wachezaji walihitaji kuonana na viongozi wa timu hiyo lakini jambo hilo halikutokea kwa kuwa walipishana muda
Hata hivyo Kaya amesema viongozi leo walifika mazoezini na kuonana na wachezaji wote
"Jana wachezaji hawakugoma, bali walikuwa wakihitaji ufafanuzi wa mambo kadhaa kutoka kwa viongozi wao," amesema Kaya
"Walishindwa kuonana na viongozi jana baada ya kutofautiana muda, viongozi walifika wakati wachezaji wakiwa tayari wameondoka"
"Leo viongozi wameweza kuonana nao hapa mazoezini na tumewafafanulia baadhi ya mambo na baada ya mazoezi tutakutana nao tena"
"Nawataka Wanayanga tuendelee na umoja wetu, hizi habari ambazo zinaleta mpasuko sio njema kwa familia yetu"
"Tunaendelea na maandalizi ya mchezo dhidi ya Azam ambao utapigwa Jumatatu bila ya kusahau mchezo wa nusu fainali ya kombe la FA dhidi ya Lipuli Fc"
Nae Mwenyekiti wa Kamati ya Mpito Lucas Mashauri amesema wamezungumza na wachezaji pamoja na benchi la ufundi na wamemaliza sintofahamu iliyokuwa imejitokeza
