Nahodha Msaidizi wa Yanga Juma Abdul amewatoa hofu mashabiki wa timu hiyo kuwa wamemaliza tofauti iliyojitokeza jana baada ya kukutana na uongozi wa Yanga
Abdul amesema hawakuwa wamegoma kama ilivyoripotiwa na baadhi ya vyombo vya habari bali walihitaji kuonana na viongozi ili kujadili masuala mbalimbali yanayowahusu wachezaji
Amesema hata hivyo jana walishindwa kuonana na viongozi baada ya kutofautiana muda lakini leo wameweza kuonana nao na wamemaliza changamoto iliyokuwepo
"Niwatoe hofu mashabiki wa Yanga kuhusu suala la mgomo. Mimi kama nahodha msaidizi nawaambia hakuna mgomo wowote wa wachezaji isipokuwa baadhi ya wachezaji tuliuhitaji uongozi wa timu yetu kukaa nao," amesema
"Lakini jana tulitofautina muda, viongozi walikuja muda ambao sisi tulikuwa tayari tumeshaondoka. Lakini leo baada ya kumaliza mazoezi tumekaa na viongozi wetu, kama wazazi wetu wametusikiliza na wametuelewa"
"Hivyo tunaendelea na maandalizi ya mchezo dhidi ya Azam Fc"
