Wachezaji wa Yanga leo asubuhi waligoma kufanya mazoezi baada ya viongozi wa timu hiyo kushindwa kufika uwanja wa Chuo cha Polisi Kurasini kwa ajili ya kufanya kikao na wachezaji hao
Inaelezwa kutokana na msimu kuelekea ukingoni, wachezaji waliomba kukutana na viongozi ili kujua hatma ya malipo ya madai ya mishahara na fedha za usajili
Hata hivyo viongozi walishindwa kutokea mazoezini hivyo wachezaji kuamua kugoma kufanya mazoezi licha ya kocha Mwinyi Zahera kuwataka wasitishe mgomo huo
Baada ya tukio hilo, kocha Zahera ameuagiza uongozi wa Yanga kuwapa taarifa wachezaji kuwa kama watashindwa kufika mazoezini kesho basi watakuwa wamejiondoa wenyewe
Zahera amesikitishwa na mgomo huo wa wachezaji licha ya juhudi kubwa anazofanya kuhakikisha anawasaidia kupata stahiki zao
