Yanga kuweka kambi kuiwinda Azam Fc

Baada ya mapumziko ya siku tatu, kikosi cha Yanga kimerejea mazoezini leo kujiandaa na mchezo wa ligi kuu ya Tanzania Bara dhidi ya Azam Fc

Mchezo huo utapigwa Jumatatu ijayo, April 29 katika uwanja wa Taifa

Katika kuhakikisha Yanga inapata ushindi dhidi ya Azam Fc, vinara hao wa ligi kuu wanatarajiwa kuweka kambi maalum

Mratibu wa Yanga Hafidh Saleh amesema baada ya mazoezi leo, benchi la ufundi litakuwa na kikao ili kufanya maamuzi ya wapi kikosi chao kitaweka kambi kujiandaa na mchezo huo ambao Yanga itakuwa mgeni

Yanga inayoongoza ligi ikiwa na alama 74, inahitaji kushinda mchezo huo ili kuweka hai matumaini ya kutwaa ubingwa msimu huu