Yanga Princess yaendeleza uteja kwa Simba Queens

Wakinadada wa Yanga Princess wameshindwa kulipa kisasi dhidi ya watani zao Simba Queens baada ya kukubali kipigo cha mabao 5-1 katika mchezo wa ligi kuu ya Wanawake, Serengeti Lite uliopigwa uwanja wa Karume

Katika mchezo wa duru ya kwanza, Yanga Princess ilichapwa mabao 7-0, leo wamefanikiwa kupunguza idadi ya mabao huku wakifunga bao la kufutia machozi kupitia kwa Fausta Thomas

Matokeo hayo yanaakisi tofauti ya ubora wa vikosi vya timu hizo huku Simba ikionekana kuwekeza zaidi katika timu yao ya Wanawake

Msimu huu Yanga Princess itahitaji kupambana ili kuepuka kuteremka daraja ikitarajiwa uongozi mpya utakaochaguliwa mwezi ujao kukiboresha kikosi kwa ajili ya msimu ujao